Bollywood Alia Bhatt-i'n Music video siam tum

Bollywood star Alia Bhatt chuan lem­chan chauh ni lo, zai lam pawh luhchilh a tum nia sawi a ni. 

Alia Bhatt hian zai lam hi a lo tuipui ve viau tawh a, a film channa-a hla eng emaw zatah a aw pawh a lo thawh tawh a, tunah chuan zai lamah ke pen zel a tum ta niin a lang a, music video a siam dawn tih Mumbai Mirror chuan a tarlang.

Alia hian tunhnaiah YouTube channel a siam bawk a, he channel a siamna chhan chu a fan-te hnena a nun dan entirna atana ti a nih thu a sawi. Hemi rual hian fashion, makeup leh fitness tips share nan a hmang bawk. 

Alia Bhatt leh a bialpa, actor Ranbir Kapoor-te chu US-a Ranbir Kapoor pa, Rishi Kapoor tlawha an zin hnuah an rawn kir leh tawh a ni. An pahnih hian a vawi khatna atan, Ayan Mukherji fantasy trilogy, Brahmastra-ah an chang dun dawn a, he film-ah hian Amitabh Bachchan, Mouni Roy leh Nagarjune-te pawh an chang dawn a ni. Alia hi Sanjay Lee Bhansali film, Inshallah-ah a chang dawn bawk a, Salman Khan nen an chang dun dawn a ni.