Saudi Music Festival-ah Nicki Minaj a che dawn
July 18-a neih tur Jeddah World Fest-ah Nicki Minaj chu headline tur a ni dawn.
Jeddah World Fest hi Saudi Arabia Red Sea city-a King Abdullah Sports Stadium-ah neih a ni dawn a, ani bakah hian Liam Payne leh DJ Steve Aoki-te chu inlan tur langsar an ni.
He Fest hi Saudi Arabia-a live music festival lian ber a ni a, Jeddah Season Festival peng pawimawh tak a ni a, khawvel puma en theih tura broadcast a nih dawn bakah MTV pawhin an cover dawn bawk.
Zu leh ruihhlo tel lo festival
Jeddah Season Festival hi zu leh ruihhlo tel phal lohna festival a ni a, kum 16 hnuai lam tan tel phal a ni lo bawk. Festival-a kal tur hmeichhiate chuan kawrfual 'abaya' tia sawi chu an hak vek a ngai dawn bawk a ni.