Westlife-in Dublin-ah an hla thar perform dawn

Irish boyband Westlife chuan kum riat liam taa live performance an lo neih tawhna, Dublin-ah an hla thar an perform dawn. 

 

Westlife hian Twenty Tour an nei mek a, nizan khan Dublin lamah an kir. Croke Park-a special gig an neihnaah an hla thar, Dynamite chu a vawi khatna atan an perform dawn. He hla hi an album thar tur, Spectrum atana Ed Sheeran leh Steve Mac-ten an siam a ni. 

Singer Mark Feehily chuan Croke Park-a an perform hnuhnung ber chu kum riat dawn liam ta a nih thu sawiin, an perform leh thei tur chu an phur tlang a, an tan pawh a special dawn  hle tih a sawi. Westlife hian an album thar, Spectrum hi November thla hian tihchhuah hman an tum. He album a mi tur hla pahnih an tihchhuah tawh chu vawi maktaduai 200 chuang stream an ni tawh.

An hla thar, Dynamite hi chart lamah pawh a sang chak hle a, a vawi khatna atan Croke Park-ah an fan-ten hla thar hi live-in an ngaithla thei dawn ta a ni. Dynamite video tur pawh hi Croke Park stadium-a fan 1,60,000 pungkhawmte hmaah live-in an shoot nghal dawn bawk. 

Westlife hian record maktaduai 55 chuang hralh tawhin, band zing­ah UK chart No. 1-a single pasarih nei thei awmchhun an la ni bawk. Twenty Tour hi West­life tour hralh kal ber a ni a, darkar 48 chhungin ticket 4,00,000 an hralh hman a ni.