Mystical Mizoram Ṭhazual GOSPEL-ah Sailo Lalsangzuali 'Tuinung Lui' a mawi ber

Mystical Mizoram Ṭhazual Gospel chart-ah Sailo Lalsangzuali hla hit 'Tuinung Lui' chu pakhatna a ni. Lalthlengliani Jongte 'Mifel Awm Khawm' chu pahnihna niin One in Christ 'Min thlah ngai lo' chu pathumna a ni bawk.

Ṭhazual chart uluk taka lo thlir ṭhin chuan Sailo Lalsangzuali 'Tuinung Lui' hi chart luahlumtu ber a nihzia an hai lo ang.

Lalsangzuali hian nikum kum chawhnu lamah khan he hla hi a tichhuak a, a music video pangngai piah lamah hian Biak Ina a zaina video viral ta ngaithlaa thiam titu, a zai thiamna zuna uai an tam. A music video hi MDM YouTube-ah nikum October thla laihawl velah khan a dah a, ngaihthlak a hlawhin nimin thleng khan thlirtu nuai li chuang a nei tawh.

A zaithiam a, a zai ngaihthlak a hahdam a, Mizo rilrem zawng taka zai a thiam bawk nen chart-a pakhatna a ni hi thil mak a ni lo. Chart lehah ro a rel chhunzawm dawn em tih hriat a chakawm tawh hle a ni.

Lalthlengliani Jongte    'Mifel Awm Khawm' pawh hi chart-ah a cham rei tawh hle. Char hmasaah khan palina a ni a, tun ṭumah erawh pahnihnaah a rawn invawrh leh. Nikum Ṭhazual award-a Best Music Video Gospel award dawngtu kha a ni a, chart lehah pakhatna a ni thei dawn em tih chu hriat chakawm tawk tak a ni.

Pathumna chu One in Christ 'Min thlah ngai lo' kha a ni a, pariatna pawh pawh an hla tho 'Lalpa ṭhatna' kha  a ni bawk. OiC hian chart top 10-a lang hla pahnih an nei thei a, hetiang dinhmuna ding thei hi an tam lo hle. 

Palina chu Cindy Lalthanpuii 'Ngawlveite inhlanna' kha niin Maruati chuan 'Zual zelin' hmangin top 5 a khar a ni.