Dadasaheb Phalke International Film Festival Awards 2021-ah Critic's Best Actress Kiara Advani

Indian Cinema leh television-a che ṭhate chawimawina, Dadasaheb Phalke International Film Festival Awards 2021 chu sem niin Inrinni khan ZEE5-ah an pe chhuak a ni.

He hunah hian Maharashtra Minister of Tourism and Environment Aditya Thackeray chu khual lian niin Kiara Advani chuan Guilty vangin Critic's Best Actress award a dawng. Critic's Best Actor award dawngtu chu nikuma thi ta Bollywood superstar Sushant Singh Rajput kha a ni thung.

Best Actor (Female) chu Chhapaak-a changtunu Deepika Padukone a ni a, Best Actor (Male) chu Akshay Kumar a ni bawk. Khawvela film industry lian pathumna nia sawi Indian film industry-a che ṭhate chawimawina tur hian 'the father of Indian cinema', Dadasaheb Phalke hriatrenga ni pah fawmin sorkar laipui chuan kum 1969 aṭang khan Dadasaheb Phalke International Film Festival Awards hi a buatsaih ṭan a ni. 

Deepika Padukone channa  acid attack survivor Laxmi Aggarwal chanchin Chhapaak chuan award pahnih a la. Deepika-in he film a chan avanga Best Actor (Female) a dawn bakah hian a chanpui Vikrant Massey chuan Best Actor in a Supporting Role award a dawng ve bawk.

Kuminah hian category 23-ah award hi an sem a, Tanhaji: The Unsung Warrior chu Best Film-ah an thlang a, nikum lama Oscar award-a che ṭha tak Parasite chu Best International Feature Film-ah thlan a ni. Ludo director Anurag Basu chu Best Director award dawngtu a ni a, Chetan Bhagat chu Outstanding Contribution to Literature in Indian Cinema-ah thlan a ni bawk.