JC Fest Christian Music Festival Brandon Heath leh Sanctus Real perform dawn
Love Song leh khawvel lam music ngaihthlak tur a tam a, mi tam berin helam hi kan thlek dual dual laiin khawthlang lamah chuan Kristian music chawilar tumna a nasa hle a ni.
Southern California-ah pawh Christian Music Festival pui tham tak JC Fest buatsaih a ni dawn a, August 3 hian Lake Skinner Recreation Area-ah neih a ni dawn.
JC Fest chu eng nge?
JC Fest hi ni khat awh festival a ni a, concert piah lamah hian professional skateboarding demonstration, food truck, arts and crafts exhibition, splash pad leh children's zone-te pawh siam a ni.
Christian-centered family fun event a ni a, mi harsate chhawmdawltu pawl Project T.O.U.C.H. nen ṭangkawpa buatsaih a ni bawk.
Perform tur an hrawl
He Music Festival-ah hian khawvel huap pawha Kristian music huang chhunga mi lar tak tak an perform dawn a, chung zingah chuan Brandon Heath, Sanctus Real leh Unspoken-te pawh an tel. Gospel music ngaithla ṭhin tan chuan heng mite hi tute nge an nih sawi nawn a ngai lo ang.
Perform turte hi Christian Billboard-ah chuan mikhual lo tak takte an ni hlawm a, Grammy, American Music Award leh Emmy Award-ahte pawh mikhual lo tak takte an ni hlawm. Christian Country music milar Coffey Anderson chuan programme hi a host dawn a ni.