BSUP tan Charity Concert nei

July 2-a BSUP, Dur­tlang Leitana chhiat tawkte pualin concert, FM Management buatsaihin FM Resort, World Bank Road-ah Inrinni zan khan an nei.

He hunah hian ṭhalai ṭha­hnem tak kalkhawmin Feli Fanai, Hmingsanga leh Rosy K. Remsangpuii-te chuan zaiin an awi a, tunlaia ṭhalaite ngainat thar electronic dance music lam hawiin Mizoin DJ kan neih ṭhat berte zinga mi, Kimochi leh DJ Bruce-ten mipui an tihlim bawk.

Hemi zana an sum hmuhchhuahte hi Durtlang MC Hall-ah  nimin khan Durtlang branch YMA kutah an hlan.