Prince Harry leh Meghan-te fapain baptisma chang

Britain Prince Harry leh a nupui, Meghan-te fapa thla hnih mi Archie Harrison Mountbatten-Windsor chuan Inrinni khan Windsor Castle-ah baptisma a chang. 

Private ceremony hi Can­terbury Archishop Justine Welby-a'n Buckingham Palace-a Private Chapel-ah a kaihruai a ni. Lal chhungkaw tihdan phung angin, bapistma chantirna atan hian Jordan lui tui hman a ni a, Archie hian kuta siam, royal christening robe a ha bawk. 

Harry leh Meghan, Duke and Duchess of Sussex-te hian an official instagram page-ah official photograph pahnih an dah lang a ni. 

Hetihlai hian Archie bap­tisma chantirna hun private taka tih a nih chung­changah chanchinbu eng emaw zatin Harry leh Meghan-te hi an sawisel. An inneihna leh an chenna in cheiṭhatna hautak takah public fund an pawm laiin, an fapa baptisma chantir dawna anmahni hmuh chaka pungkhawmte an hmu lo leh, an fapa an pholang duh lo chu an dem hle. Prince Harry <, Prince William leh a nupui Kate-te erawh chu an fate pathumin baptisma an chan khan media mite hun pein, biak-ina an lut tur lai thla pawh an lak an phalsak a ni.