NBA champion chhuahsantu Leonard

Kawhi Leonard chuan Toronto Raptors chu NBA champion a nih pui aṭanga chawlhkar thum hnu lekah a chhuahsan a, NBA Finals Most Valuable Player hian Los Angeles Clippers a zawm.

Los Angeles Clippers hian tun hnaiah Paul George chu Oklahoma City Thunder aṭangin an la tawh bawk a, an player neih thar pahnih vang hian season tharah NBA champion nih an tum ngam ang.

Mahse, Clippers chauh hi team inla thar an ni bik lo. Los Angeles Lakers chu LeBron James hoin beiseina thar nen an inlan dawn a, Brooklyn Nets pawhin Kevin Durant an nei thar - Durant erawh ke artui hliam vangin season khat chhung a inkhelh theih a rinawm loh.

Golden State Warriors ngaihthah theih an la ni dawn lo, anni hian Durant chan mah se MVP vawi hnih ni tawh Stephen Curry an la nei. Chhuak tura thawm nei Klay Thompson chu season nga chhung atan pound maktaduai 151-in an thlung nghet bawk a, All Star Team a tel phak D'Angelo Russell chu season li atan pound maktaduai 93-in an la bawk.