Justin Bieber-a'n #bottlecapchallenge-ah Tom Cruise cho leh
Justin Bieber chuan #bottlecapchallenge a tih ve hnuah, kum 57 mi actor Tom Cruise chu fiamthuin a cho zui ve leh nghal.
Pathianni khan kum 25 mi, singer Bieber hian a instagram-ah #bottlecapchallenge a tihna video hi a post a, bottle chhin a pet hma hian 'Hei hi Tom Cruise lu pawh a ni thei', tiin Oscar nominee ṭum thum ni thei tawh chu a ti el zui kher.
'Sorry' hitmaker Bieber hian #bottlecapchallenge-ah hian Tom Curise bakah a nupui, Hailey Bieber a nominate tel bawk. A nupui pawh hian a ti zui ve nghal mai a, Cruise erawh a la reh rih. Bieber hian a hmain Top Gun star, Cruise hi UFC ringa insual puiah a lo cho tawh bawk. A chona hi Cruise chuan a chhang lem lo.