Stranger Things 3-in Netflix streaming record a break
American science fiction horror web television series Stranger Things season 3 chu a lar belh zel a, a pekchhuakna Netflix streaming service viewer record a break hial.
Stranger Things 3 hian ni li chhung lekin entu mi maktaduai 40 a nei hman a, Netflix-in an tarlan dan chuan tunah hian mi maktaduai 18 chuangin episode pariat hi an enzo vek tawh bawk.
Netflix chuan July 4-a khawvel pum huapa tlangzarh a nih khan ni li chhungin mi maktaduai 40.7-in an en hman tih tarlangin, an film emaw series emaw tihchhuahah hetiang zat entu hi ni li chhung lekin an la awm ngai lo tih an tarlang. Mi maktaduai 18.2-in a season zawng zawng hi an enzo vek tawh tih an tarlang tel bawk a ni.
Stranger Things chu
Mizo zingah pawh en hlawh tak, Stranger Things hi Duffer Brothers direct a ni a, Netflix hi a tlangzarhtu an ni thung.
Tun hi season thumna a ni tawh a, season 1 chu 1983 November-a Hawkins, Indiana-a thil thleng danglam tak, mipa naupang pakhat bo dan chhuina lam a ni. Season 2 erawh chu 1984 October thlaa thil thleng chungchang a ni. Tuna season 3 tihchhuah hi 1985 nipui laia thil thleng a ni ve thung bawk.
July 15, 2016 aṭang khan Netflix-ah tihchhuah ṭan a ni a, season 1 leh 3-ah hian episode pariat ve ve a awm laiin, season 2-ah khan episode pakua a awm thung.