Robert Pattinson hi Batman ṭha tak a ni ang: Ben Affleck

Batman v Superman: Dawn of Justice leh Justice League-a Batman role play-tu Ben Affleck chuan mi tam takin an sel Robert Pattinson chu Batman ṭha tak a nih dawn thu a sawi ve tlat thung.

Kum 47 mi Affleck chuan British actor Pattinson chu a fak hle a, lemchan thiam tak a nih thu leh Batman atan pawh ṭha tak tur a nih thu a sawi a, Batman role play tur pawha duhthusam nia a hriat thu a sawi.

Ben Affleck hian kar hmasa khan Batman lema a chan chhunzawm loh chhan sawi chhuakin, a ṭhian hnai tak pakhatin zu a in nasat zual phah dawn lutuk avanga chang tawh lo tura a tih thu a sawi.