Kanye West-a'n Isua a rin avangin a harsatna a paltlang thei

Kum 42 mi American rapper Kanye West chuan tunhnaia Forbes interview-a neihnaah, kum 2016-a a rilru lama harsatna nasa tak a tawh laiin Isua a rin avang chauhin a harsatna a paltlang thei tih a sawi.

Kanye West hian Facebook founder Mark Zuckerberg hnen aṭangin dollar vaibelchhe khat a lo dil tawh a, hetih hunlai hian leiba maktaduai 53 zet a nei. Mahse Forbes-in a chhutsak dan chuan kumin chhung hian Yeezy sneakers 

aṭangin dollar vaibelchhe 1.5 vel zet a lakluh an ring thung. Adidas nen ṭangkawpa an siam, Yeezy sneakers hi tunah chuan 100% in Kenya West ta a ni tawh.

Los Angeles hospital-ah kum 2016 khan a awm a, tour a neih lai mek pawh cancel-in rilru lamah buaina a neih thu a sawi. Mahse he hun khirhkhan tak a tawh lai hian Sunday inkhawmah kalin hetah hian Isua thuawih theihna a chan thar thu a sawi chhuak a, chu chuan hun thim a tawn mek chu a paltlang theih tir tih a sawi a ni.