'Rocketman' director Fletcher-a'n 'Sherlock Holmes 3' direct dawn

English actor leh director kum 53 mi Dexter Fletcher chuan Sherlock Holmes 3-a direct dawn. 

Sherlock Holmes 3-ah hian Iron Man star Robert Downey Jr. a chang leh dawn a, Jude Law pawh Professor Watson lemah a chang leh ang. Script hi Chris Brancato ziah niin Susan Downey, Joel Silver, Dan Lin leh Lionel Wigram-ten an produce ang.

Fletcher hian Sherlock Holmes 1 & 2 director Guy Ritchie a thlak dawn. Mystery period action film Sherlock Holmes 3 hi Dec. 21, 2021-ah theater-a chhuah hman tum a ni. Sherlock Holmes 1 (2009) khan khawvel pumah $524 million a lalut a, Sherlock Holmes: A Game of Shadows (2011) pawh khan $545.4 million a lalut bawk,  Sherlock Holmes 3 pawh hian sum a lalut hnem hle tura beisei a ni.

Fletcher hian 2018 a release Bohemian Rhapsody kha director Bryan Singer an ban vangin chawpchilh takin alo direct tawh a, mahse Directors Guild of America (DGA) rules hmangin executive producer nihna pek a ni thung. 2019 a release biographical musical film, Elton John a nun behchhana siam Rocketman kha a direct bawk a ni a, a hlawhtlinpui hle bawk.