K-Pop Boy Band zinga sum lalut hnem ber - BTS
K-pop boy band zingah BTS chu kum 2018 chhunga sum lalut hnem ber niin, Forbes-in 'The World's Highest-Paid Celebrities' list a tihchhuahah 43 na an ni pha. K-pop zingah Forbes list-a lang hmasa ber leh la awmchhun an ni.
Forbes in a tarlan danin Bangtan Boys-te hian June 1, 2018 leh June 1, 2019 inkar chhungin US dollar maktaduai 57 an lalut pha a ni. Heng an sum lakluh zinga a tam zawk chu Love Yourself World Tour leh Love Yourself : Speak Yourself stadium tour an neih aṭanga an lakluh a ni. An group hian tour ticket 3,00,000 chuang zet hralhchhuakin, ticket hralhna aṭanga an sum hmuh hi dollar mtd. 7 chuang zet a tling.
Concert film pahnih, November 2018-a Burn The Stage: The Movie leh BTS World Tour: Love Yourself in Seoul an tihchhuah aṭangin US dollar 18.5 leh 11.7 an lalut bawk. An album tihchhuah hnuhnun ber, 'Map of the Soul : Persona' chu April 2019 khan Billboard 200 charts-ah number one-ah a awm. June thla khan an app thar BTS World chu tlangzarh a ni.