Metallica-in naupang lehkhabu tlangzarh dawn

Heavy metal legend  Metallica chuan thu­chhuah siamin kumin kum­tawp lamah hian naupang lehkhabu 'The ABCs of Metallica' tih an tlangzarh dawn tih an tarlang.

'The ABCs of Metallica' hi November 26 hian dawra zawr­chhuah hman an tum a, he naupang lehkhabuah hian an history alpha­betically-a indawtin ziah a ni. Howie Abrams (The Merciless Book of Metal Lists, Hip-Hop Alphabet)

buaipui niin, Metallica hi co-writer an ni nghal. Metallica 'Obey Your Master' Exibit 2012-a neiha tel ve Michael "Kaves" McLeer-a illus­tration pawh feature a ni.

'The ABCs of Metal­lica' hi Metallice official website-ah pre-order theih a ni dawn bawk a, he lehkhabu aṭanga an sum hmuhchhuahte hi an non-profit charity 'All Within My Hand' atan hman a ni bawk ang. An lehkhabu buatsaih chungchangah hian Metallica chuan," Rilṭ-amte tana an beihna leh  workforce education an thlawp chhunzawm zel avangin All Within My Hands tan a hlawkna zawng zawng pek a ni dawn a ni," tiin an sawi.

'The ABCs of Metal­lica' -ah hian Garage Days aṭanga Master of Puppets thlenga an chan­chin tarlan a ni dawn a, a hlimawm lam leh nuih­zatthlak lam ziahlan a ni dawn tih an sawi bawk.