Rodgers nen an inhual tih Shailene Woodley-in a sawi chiang

Divergent star Shailene Woodley chuan American football quarterback Aaron Rodgers nen an inhual tih 'The Tonight Show Starring Jimmy Fallon'-a a inlannaah a sawi chiang.

Shailene Woodley leh Aaron Rodgers-te hi an inhual tih thawm leh sawi neuh neuh a awm tawh a, Woodley hian a rawn sawi chiang ta a ni. Jimmu Fallon-a show-ah hian Thawhṭanni khan a inlan a, hetah hian an inhual thu hi sawi chiangin Rodgers chu mi ṭha tak a nih thu a sawi bawk.

"Eizawnna atana bawl vawm ṭhin nen kan inhual ang tih hi ka ring ngai lo," tiin fiamthuin a sawi zui bawk a ni. Woodley hi kum 29 lai a ni ve tawh a, film eng emaw zatah chang tawhin Divergent leh The Fault in Our Stars phei chu a larpui hle.  

Shailene Woodley hi The Amazing Spider-Man 2-ah pawh khan Mary Jane Watson lema changin lang tura tih a ni a, scene ṭhenkhat chu an shoot hman a, mahse an paih leh a ni. Khami ṭum khan Director Marc Webb chuan Shailene Woodley scene paih leh chu thutlukna siam harsa tak a nih thu a sawi chhuak hial a nih kha.