Hontrade International Ṭhazual Lengzem A chungberah Rpa Ralte & G'nie

Chart hmasa lamah khan pahnihna an lo hauh tawh a, tun ṭumah erawh tuma tluk rual lohin dinhmun sang ber an rawn luah ta a ni. Rpa Ralte leh G'nie te chuan an hla hit 'I la hria em' tih hla hmangin a vawi khat nan Hontrade International Ṭhazual Lengzem chart-ah No.1 an hauh.  

'I la hria em' tih hla hi a satu Rpa Ralte leh G'nie te phuah niin, tunlai lengzem hla thlan hlawh ber a ni. Music hi Rpa Ralte leh Dialock te kutchhuak a ni bawk a, Mizote rilrem zawk tak a lo ni! 

Recording hi Kings & Pro­phets-a tih a ni thung a, anni hi zaithiam ten an pan nasa hle a, belhchian pawh an dawl hle a ni. An official music video-ah hian Mizo zinga drummer kan neih ṭhat ber te zinga Mamawia Colney kan hmu bawk a, a thiam thil hrang hrangte a pho lang a ni. 'I la hria em' official music video hi nikum December 17 khan MDM YouTube channel-ah upload niin, viewer nuai li dawn an awm tawh a ni. 

Tun ṭum chart-ah hian Essy leh Jojo te chu top 3-ah an in­hlangkai a, Kimkima leh Jona­than Lalengzauva te an thlang sang viau bawk. Essy hian a music video thar ber 'Hringnun' hmangin Ṭhazual chart-ah a din­hmun a sawh nghet zel a, No.1 kai turin pen khat chiah a bak tawh a ni. Jojo pawhin 'Tunah zawng' tih hla hmangin a dinhmun a siam ṭha mek zel bawk. 

Hetih lai hian hun eng emaw chen No.1 lo hauh tawh Kimkima chu 'I zun ngaih lunglen' tih hla hmangin top 5-ah a inham tang leh thei a, a hnuaiah Mizo Idol star Jonathana a awm ve thung. Jonathan-a hian tun hnai khan a music video hmasa ber 'Ka riang ngei e' chu a tichhuak a, chart-ah dinhmun sang a rawn luah nghal a ni. 

Mizo Idol star dang Ticos Dar­hmingliana pawh a hla thul­khung 'Lungmawl Duhsam' hmangin parukna-ah a awm a, mipuiin a zai an ngaithla kham tak tak thei lo tih a lang. Fela Colney pawhin 'Sensiari' tih hla hmangin pasarihna a luah leh bawk a, a hnuai chiahah Richard Chawngthu a awm thung.

Hontrade International Ṭha­zual Lengzem chart-ah hian Zo­­muanpuia leh Temami te chu top 10-ah an inhlangkai bawk a ni. 

1. Rpa Ralte ft G'nie    -    I la hria em

2. Essy    -    Hringnun 

3. Jojo    -    Tunah zawng 

4. Kimkima    -    I zun ngaih lunglen 

5. Jonathan Lalengzauva    -    Ka riang ngei e

6. Ticos Dara    -    Lungmawl Duhsam

7. Fela Colney    -    Sensiari 

8. Richard Chawngthu    -    Beiseinain

9. Zomuanpuia    -    Satel lem 

10. Temami    -    In tello chuan