Bebe Rexha single thar 'Last Hurrah'

American singer Bebe Rexha chuan a single thar 'Last Hurrah' chu a tichhuak ta a, official music video erawh a la ni lo thung. 'Last Hurrah' hi kumina a hla tichhuah hmasak ber niin, a lyrics video a tihchhuak a ni. 

'Meant to Be' singer hian nikum khan June thla khan a studio album hmasa ber 'Expectations' a tichhuak chauh a, a hlawhtlinpui hle thung. 'Meant to Be' phei hi chu Grammy-ah pawh chhawpchhuah a ni a, award erawh a dawng pha ta lo a ni. Nikum vek khan 'Expectations' album aṭang hian 'I’m a Mess' a tichhuak a, hemi hnua a single hmasa ber chu 'Last Hurrah' hi a ni. 

A single thar hi YouTube lamah pawh mi maktaduai 1.5 vel zetin an en leh der tawh a ni. Kum 29 mi Bebe Rexha hi tun thla tir lama sem zawh tak Grammy Award-ah khan Best New Artist category-ah a lang a, amaherawh chu British singer Dua Lipa a tluk zo ta lo a ni.