Dodalna avangin 'Second Coming' chhuak dawn lo

DC comics chuan Jesus superhero serial 'Second Coming' chu Kristian ten nasa taka an dodal avangin an tichhuak dawn lo tih an puang. 

'Second Coming' hi American ziaktu lar Mark Russell ziah niin, March thla hian tichhuah tum a ni. Mahse Kristian te ngenna avang leh hmun hrang hrangah dodalna an lantir avangin tichhuah a ni dawn ta lo a ni. Kristian 230,000 chuang zet chuan he animation hi an dodal a, a thu kalhmang chu Bible leh Kristian te rin dan kalh niin an sawi. 

Hemi chungchangah hian Russell chuan Twitter kaltlangin thuchhuah a siam a, Second Coming chu cancel a nih thu a tarlang a ni. Russell hian Kristian lehkhabu lar tak tak - 'God Is Disappointed in You' leh 'Apocrypha Now' te a lo ziak tawh a ni.