Boxing ring chhungah Justin Bieber!

Rilru lamah buaina a neih avangin counselling class te pawh a kal zak zak a, tun hnai khan boxing ring chhung a rap leh tawh bawk. Candian singer Justin Bieber chuan rilru leh taksa hrisel nei turin nasa takin a bei mek a, a nupui Hailey Baldwin Bieber pawhin a ṭawiawm ṭha hle. 

Kum 24 mi Canadian pop star hi tun hnai khan New Jersey-a UFC gym-ah a practice lai hmuh a ni a, boxing glove pawh a bun thlap. Hetia a tihchhan hi depression avanga a talbuai mekna aṭanga chhuah a duh vang a ni a, rilru thawveng taka awm a duh niin an sawi. JB hi a nupui Baldwin chuan ṭawiawmin, ring chhunga a che vel chu uluk takin a lo thlir a ni. 

'Love Yourself' singer Justin Bieber hian depression a nei tih hriatchhuah a ni a, hemi hneh tur hian theihtawp an chhuah mek. Counselling class a kal bakah hian pastor Carl Lentz nen pawh hun an hmang dun fo ṭhin niin khawthlang media-te chuan an tarlang.