Darren Criss leh Mia ten 'tiam tlat e' an ti

'Glee' star Darren Criss leh Mia Swier te chuan kum riat dawn an inzui hnuah 'tiam tlat e' an ti ve leh ta. Kum 32 mi Darren leh Mia (33) te hi Inrinni khan New Orleans-ah an inkutsuih a, Glee star Lea Michele, John Stamos, Chord Over­street leh Harry Shum Jr. te pawh tuak tharte lawmpuitu zingah an tel. 

Darren Criss leh Mia Swier te hian nikum January thla khan an inhual thu an lo puang tawh a, kum khat a liam hnuah an innei ta nge nge a ni. Criss chuan, "Mia nen hian kum tam tak chhung hlim takin hun kan lo hmang dun tawh a, chhungkua din tura kan innei thei ta hi ka lawm hle a ni," tiin a sawi. 

Darren Criss hian film eng emaw zat a lo chang tawh a, chung zingah chuan - American Crime Story, American Horror Story leh Girl Most Likely te pawh a tel. Khawvelin a hriatna tak erawh American comedy serial 'Glee' a ni a, Mia Swier erawh thuziak mi a ni thung.