Hillsong-in an single thar 'King of Kings' tlangzarh

Pathian fakna hla tam tak tichhuak tawhtu Hillsong Worship chuan an single thar 'King of Kings' an tlangzarh.

An single thar 'King of Kings' hi mi thinlung chawkphur thei tak hla a nih thu Hillsong Worship vocalist Brooke Ligertwood chuan a sawi a, Pathian ropuina fakna puanchhuahna hla a ni tih a sawi. Ligertwood chuan Chanchinṭha chu thil hlui nena sawi pawlh leh thlir pawlh tur a ni lo tia sawiin, hun a awm hma pawhin a awm tawh tih a sawi. "Kumkhuain leh kan nitin hun hman danah Chanchinṭha chu a awm reng a ni, Isua Krista, Pathian Fapa - i sual leh mihring zawng zawng sual vanga thisen chhuak chuan i ai a awh a ni", tiin an hla thar chungchang hi a sawi a ni.

Hillsong hi kum 30 dawn chu an ding tawh a, khawvel hmun hrang hrangah Pathian fak leh chawimawina hun hmang ṭhinin, an kohhran member pawh an ṭhahnem tawh hle bawk. Hillsong Worship hian album hnuhnung ber kha  Billboard Top 200-ah No. 26 an thlenpui a, Billboard Digital Album-ah No. 8 an kaipui bawk. Christian and Gospel Billboard Top 100-ah phei chuan No. 2 an hauh phak. An tlangzarh aṭang khan khawvel pumah mi maktaduai 300 velin an stream tawh.

Hillsong Worship hian Casting Crowns leh Elevation Worship-te chu November 1-a Memphis-a ṭan tur special 2019 USA arena circuit-an zawm ve dawn a ni.