Gospeli video thar 'Eng Chen nge'

MDM-ah hmel thar duhawm tak mai hmuh tur a awm dawn a, chu chu Gospel Zochhuanmawii (Gosi) a ni.

Gosi hian a hma pawh­in music video eng emaw zat a lo tichhuak tawh a, mahse tun ṭuma a tih­chhuah tur 'Eng Chen nge' tih hi MDM library leh Zonet lama a tihchhuah hmasak ber tur a ni thung. 

He hla mawi tak mai hi Lallawm­sangi phuah a ni a, a thluk hi KC Lal­ruatdika siam a ni bawk. Music hi 3 brothers recording te kutchhuak a ni a, recording hi 3 bro sis ( Ronald-a) record a ni thung. Music video hi  Chiangtea Videography kutchhuak a ni a, belh­chian a dawl hle ngei ang. 

Gosi hi zaia rawng­bawla nasa taka chhuak ṭhin a ni a, rawngbawltu zuiin hmun hrang hrangah zaiin a kalkual ṭhin a ni. Tuna a hla thar 'Eng Chen nge' tih hi Lal Isua kan hringnun min zawhpui tur leh Amah pan tura sawmna hla mawi tak a ni a, Mizo rilrem zawng tak a ni bawk.