'Little Mermaid'-a Prince Eric lemah Harry Styles

English singer Harry Styles chu Disney-in 'The Little Mermaid' film a siam thar turah Prince Eric lem chang turin dawr mek a ni. 

He film-ah hian mermaid princess, mihring ni chak em em Ariel lemah Halle Bailey a chang dawn a, a ni (aunt) misual tak Ursule lema chang turin Melissa McCarthy chu tihfel a ni tawh bawk. 

'Little Mermaid' hi Rob Mashall-a'n a direct dawn a, David Magee chuan script a ziak thung. He film-ah hian 1989 animated classic original song pawh telh a ni dawn a, hei bakah hian original composer Alan Menken chuan hla thar a siam tel dawn bawk. 

Kum 30  dawn liam taa 'The Little Mermaid' tih­chhuah a nih khan a lo hit tawh hle. Style hi lemchan lama a inlanna hmasa ber chu kum 2017- tihchhuah, war drama 'Dunkirk'-ah a ni.