BTS ‘MTV Unplugged’ a en theih ta
K-Pop superstar rual- RM, Jin, Suga, J-Hope, Jimin, V leh Jungkook-te ‘MTV Unplugged’ chu en tur a awm ta a, a duh duh tana thlira ngaihthlak theih turin YouTube lamah pawh nimin khan dah chhuah a ni tawh.
BTS chuan MTV Unplugged show hi an album 'Be'-a mi 'Telepathy' hmangin an hawng a, 'Blue & Grey', 'Fix You' (Coldplay cover), 'Life Goes On' leh 'Dynamite'-te an sa a ni. Umplugged-a an tihdan ṭhin pangngai ang bawkin hla an sak zawhah eng emaw an duhzawng an sawi zel a, BTS leader RM chuan legend tam tak lo perform tawh ṭhinna MTV Unplugged-a an tel ve thei chu chawimawina a nih thu sawiin an lawm hle tih a sawi.
"A hla melody hi a simple khawp mai, chuvang chuan a hla thu kaltlanga mi thinlung hneh dan tur lamah ka rilru ka seng nasa zawk a ni," tiin 'Blue & Grey' co-producer leh co-writer V chuan an hla chungchang a sawi bawk. BTS show hi ARMY tan chuan hmaih phal chi a ni lo ang. An show hi rei lo mah se an thusawi hrang hrangte chu an fan-te tan chuan thu ngaihnawm a tling a, minute 30 rei lo tak a ni ngei ang. Beisei loh taka 'Fix You' an rawn cover-te chuan ARMY lawmna a thlen a, YouTube comment section-ah pawh fakna thu bak chhiar tur a awm meuh lo.
BTS MTV Unplugged setlist
“Telepathy”
“Blue & Grey”
“Fix You” (Coldplay cover)
“Life Goes On”
“Dynamite”