DC Film Blue Beetle director tur biakfel a ni

Charm City Kings director Angel Manuel Soto chu DC comics film Blue Beetle director tur a ni dawn tih nimin khan The Wrap chuan a tarlang.

Warner Bros film thar siam tur Blue Beetle hi comics chhiar ṭhin tan chuan mi thar a ni hauh lo ang a, Latino Superhero Movie hmasa ber a ni dawn a, chuvang chuan nghakhleltu pawh an tam hle ang tih a rinawm.

Screenplay ziaktu tur pawh a chiang tawh a, Miss Bala ziaktu Gareth Dunnet-Alcocer kha a ni dawn. Zev Foreman chu executive producer a ni dawn bawk. Tun favangah hian project hi ṭan hman an tum a ni.

Blue Beetle hi comic book superhero rei tawh ber zinga mi a ni a, kum 1939 khan Fox Comics character zingah tel daih tawhin a character neitu nihna hi mi hrang hrangin an neih hnuah 80's chhoah khan DC kutah hian a tla ta a, hemi hnu hian mi tam tak chuan an hre ve chauh thung.

Kum 2006-a Blue Beetle thar an tihchhuah hi Jaime Reyes chanchin a ni dawn a, DC fan-te tan chuan project nghahhlelhawm tak tur a ni.