Atreyu-in music video thar ti chhuak M. Shadows leh Aaron Gillespie thawhpui
American metalcore band Atreyu chuan April 1,April Fool niah khan music video thar Super Hero an ti chhuak a, Avenge Sevenfold frontman M. Shadows leh Underoath singer Aaron Gillespie-te nen he hlaah hian an thawk ho a ni.
Atreyu hla thar hi hla ṭha tak mai a ni a, a mawi hle bawk. Kum 2018-a an tlangzarh 'In Our Wake' album-a mi kha niin Nilaini khan music video hi thlir theih turin an dah chhuak a, Atreyu fan-te tan chuan thu lawmawm tak a ni ngei ang.
"He hla hi nu leh pa dinhmun tarlanna a ni a, fate enkawl kawngah hun, theihna, chakna leh thawhrimna a ngaih nasat zia leh fate tana real-life superhero an nihzia tarlanna a ni.
"Khawvelin a hun tawn mekah hian awmzia thui zawk he hla hian a nei ngei ang. Kawng hrang hrangah superhero an awm a, a hmatawnga ṭang mek medical personnel leh healthcare worker, Cobid-19 dona kawnga midang tana an nunna dah hmasa te tan he hla hi kan hlan a ni," tiin Atreyu chuan an hla chungchang hi an tarlang.
Tunah hian an studio album pariatna tur an buaipui mek a, kumin kum tawp lamah hian tihchhuah hman an tum. Tunhnai lawkah khan Blink-182 vocalist / bassist Mark Hoppus hoin studio-a an che tla lai hmuh an lo ni tawh bawk.