Pensy Hla thar a hnai

Hun eng emaw chen a music video thar kan hmuh tawh loh hnuah, Pensy B Lalthangliani chu kan hmu leh dawn hnai ta.

Pensy hi music video thar nen a lo kir dawn a, a hla thar tur hi ‘A rel sual lo’ tih a ni. He hla hi C Lalnunpuia phuah a ni a, video hi Peter Video Production kutchhuak a ni thung. Recording hi Blue Wave Records-a tih a ni bawk.

‘A rel sual lo’ tih music video hi YouTube lamah en theiha chhawpchhuah a ni thuai dawn a, Zonet lamah pawh kan en thei thuai bawk ang.

He hla hi Pathianin kan kawng a rel sual ngai loh zia leh min kalsan ngai loh thu puanchhuahna hla ṭha tak a ni a, Lal Isua chu kan tan a rinawm reng a ni tih tarlanna hla  a ni. 

Pensy hian hla dang buaipui lai mek pawh a nei a, kumin chu a thawm hriat tur a awm zeuh zeuh dawn a nih hmel.