Blink 182-in an music video-ah an fan-te tel turin an sawm

'Happy Days' music video  an tih chhuah tur chungchang Thawhlehni khan twitter-ah tarlangin, an fan-te chu inchhunga an hun hman dan indawt video-a thawn turin an sawm.

Vocalist / bassist Mark Hoppus chuan, "Inah in tang em?" tia thu chhuah siamin a bandmate-te chuan, "Social distancing hun in hman dan lantirna music video siam ang u. Eng nge in tih min lo hmuhtir ula - zai, rawngbawl, kut sil, TikTok atana in lam- engkim kan hmu duh a ni!!" tiin an lo chhawn ve bawk.

Video an dawn aṭanga ṭha an tihte chu 'Happy Days' music video-ah an ti lang tel dawn a ni.