CṬKP Quiz Competition 2019 vawiinah Ṭan dawn

Mizoram Presbyterian Kohhran hnuaia ṭhalai pawl, Kristian Ṭhalai Pawl (KṬP) chanchinbu 'Kristian Ṭhalai' Golden Jubilee puala Inter- Branch KṬP Quiz Competition 2019 chu vawiin hian ṭan a ni dawn.

Competition hi Cen­tral KṬP buatsaih a ni a, CṬKP hnuaia branch 134-in hming an pe lut a ni. Zanin hian district tinah elimination round neih a ni ang a, exam anga neih a ni ang. Elimination round-a an chhannate hi Aizawlah enfiah a ni ang a, district tina a thiam thlanchhuahte hian Aizawlah inelna an nei leh dawn a ni.

A thiam thlanchhuah 20-te chu Semi-Final-ah an inel ang. Semi-Final leh Final hi Dawrpui Koh­hran Centenary Hall-ah August 22 leh 23 hian neih a ni ang a, Semi Final aṭang hian Hruaina Eng channel-ah tihchhuah a ni ang.

KṬP Quiz Compe­tition-a pakhatna hian Rs. 1,00,000 an dawng dawn a, pahnihnain Rs. 40,000 leh pathumna in Rs. 20,000 an dawng ang. Consolation prize Rs. 10,000 a awm bawk dawn a ni.