Fender-in signature guitar pahnih tlangzarh

Guitar siamtu company hlun leh lar Fender chuan  signature guitar pahnih - Britt Daniel Signature Tele­­caster Thinline leh Lin­coln Brewster Signature Stra­tocaster an tlangzarh.

American rock Band Spoon lead singer leh guitarist John Britt Daniel signature guitar Telecaster Thinline hi semi-hollow body-a siam a ni a, pickup-ah hian Fender Custom Shop single coil dah a ni a, S-1 switch dah a ni nghal bawk.

A feature dangah chuan  ‘Deep C’ maple neck a ni a, fingerboard radius 9.5" a ni. Amarillo Gold lacquer rawnga kah a ni. September thla vel aṭang hi chuan zawrh chhuah hman beisei a ni a,  $1,999 (Rs. 137454.45 approx.) vela zawrh­chhuah a ni ang.

Lincoln Brewster Signature Stratocaster 

Gospel music artist leh Worship pastor ni bawk Lincoln Brewster Signature Stratocaster hi Aztec Gold a ni a, a fingerboard hi maple a ni a, two-point tremolo dah a ni bawk.

A pickup-ah hian DiMar­zio single coil dah a ni thung. Lincoln Brewster hi Gospel artist signature guitar nei phak tlemte zinga mi a ni dawn ta a ni. Lincoln Brewster Signa­ture Stratocaster hi August thlaah hi chuan zawrchhuah hman tum a ni a, Britt Daniel Signature Telecaster Thinline nen hian a man a inang vel tura ngaih a ni.