Dolly Parton-in $mtd 1 pe dawn

Dolly Parton chuan Covid-19 damdawi hmuh chhuahna kawnga mithiamte hman turin $ maktaduai khat a pe dawn.

Country music icon hian Nashville, Tennessee-a private research school Vanderbilt University hnenah pawisa hi a pe dawn tih Nilaini khan a sawi a, pawisa nei midangte chu a tih anga ti ve turin a sawm bawk.

Instagram-ah hemi chungchang hi tarlangin,"Hun rei tak ata tawh ka ṭhian Dr Naji Abumrad, kum tam tak chhung Vanderbilt research-a inhnamhnawih tawh chuan coronavirus damdawi zawnna kawngah hmasawnna ṭha tak an nei tih a sawi.

"Vanderbilt tan hian $mtd 1 ka pe dawn a, a thei dangte cho phurna tur atan leh research-a an hman tur a ni," tiin a sawi.

Kum 74 lai ni tawh Dolly Parton hian Thawhlehni khan Covid-19 dona kawnga hmatawnga awmte hnena lawmthu a sawina video IG-ah a dah tawh bawk a, midang chhanhimna tura an nunna an dah hmasa chu fakawm a tih thu a sawi.

"In tan kan ṭawngṭai reng a ni tih hria ula kan duh a, in rinphak bakin in hnathawh hi kan ngaihlu a ni," a ti.