Alexina Graham-in Covid-19 ngai thutak turin a fan-te a chah

Runway Model hian Instagram-ah ni nga liam ta chhunga a hun tawn chu tarlangin, a tirah chuan  food poisoning emaw a tih thu a sawi.

Mahse a inenfiah hnu chuan a harsatna tawh chu a beisei aia a lo serious thu leh khawsik sang tak leh thawk harsat avanga damdawi-ina enkawl hial a ngaih dante a sawi chhuak. Thil ei pawh harsa a ti hle a ni.

"A ni hmasa berah chuan ni khatah vawi eng emaw zat toilet-ah ka kal a ngai a, khawsik neiin a vawt ka ti hle.

"Ka lu a hai a, thawk harsa ka ti a, ṭawng thlengin ka harsat a, ka chuapin min phalsak lo a ni ber. Ka awm a tawt a, mahni pawhin ka inbual thei lo. Khum aṭanga tho tur leh mu tur pawhin midang puihna ka mamawh a, thil ei pawhin a na a ni," tiin a sawi.

Graham chuan a hlauhthawn thu leh a laizawnnuin a enkawlna avanga a lawm thute pawh a sawi bawk.

A fan-te chu sorkar thuchhuah zawm a, social distancing leh inkhung hrante chu zawm ṭha hle tura chahin coronavirus chu fiamthu a nih loh thu a sawi uar hle.

Social media-ah mi ṭhenkhatin an la thutak tawk lo tih a hmu chu pawi a tih thu sawiin ina tawm turin a fan-te chu a chah mawlh mawlh a ni.

Alexina hi British milar zinga Covid-19 kai hriat tharlam ber zinga mi a ni a, Britain National Health Service (NHS)-te'n an enkawl a ni.