Daft Punk sales a pung nasa

Thawhṭanni liam ta khan video 'Epilogue' kaltlangin Daft Punk- Thomas Bangalter leh Guy-Manuel de-Homem Christo-te chuan kawng dang an zawh tawh dawn tih an tarlang a, hemi hnu hian an hla stream leh hralh a pung nasa hle.

French electronic duo-te hi Thawhṭanni khan Pathianni aiin an hla stream 500% laiin a pung. An hla sales pawh 1,335% laiin a pung a, digital album sales phei chu 2,650% laiin a pung niin Alpha Data chuan a tarlang. An hla leh album hrang hrang zingah Discovery chu a hit thar lehzual hle a, Thawhṭanniah ringawt khan he album hian on-demand stream maktaduai 1.5 lai a hmu chhuak. Hei hi a hma ni aiin 429%-in a tam zawk.

Thawhṭanni khan an hla 'Get Lucky' chu stream tam ber niin, 'One More Time', 'Harder Better Faster Enough' leh 'Instant Crush' te chu stream tam zual a ni bawk. Spotify chuan an streaming service-ah ringawt Discovery hi 242%-in stream a pung tih an sawi ve bawk a, mi 459,334 chuan Thawhlehni khan a vawi khatna atan Daft Punk hla an stream tih an tarlang ve bawk a ni.