Jennie Kim leh G-Dragon

BLINK leh BIGBANG fan-te tan chuan thuthar a ni tawh awm lo e. Blackpink member Jennie leh Bigbang G-Dragon-te hi a rukin kum khat vel an inzui tawh niin South Korean lama thuthar thehdarhtu site Dispatch chuan a tarlang a, hei hian ngaihven a hlawh zui hle.

Bigbang leh Blackpink-te company YG Entertainment chuan hemi chungchangah hian thuchhuah an siam nghal a, an superstar pahnihte hi an ni an ti lo, an ni lo pawh an ti lo. Mahse phat ṭalh pawh an tum lem lo!

Thuchhuah an siamah YG Entertainment chuan ,"Engmah kan sawi chiang thei lo. Kan artist-te mimal nun chungchangah hian sawi chian theih kan nei lo. In hriatthiamna kan ngen e," tiin thuchhuah an siam.

Jennie leh G-Dragon hi vawi eng emaw zat an inhmuh tawh tih an tarlang mauh mai. K-Pop star pahnihte hi kum khat vel chu an inzui tawh mai thei, an ti. G-Dragon, a ina hmuh chu Jennie nitin hun hman dan pakhat a ni tawh nite'n an la tarlang deuh deuh. 

Ni thum liam taah khan Dipatch hian an site bakah an instagram lamah pawh thlalak nen an tarlang uar hle. Tun thla tir lamah pawh khan G-Dragon-a'n Jennie IG post a like chungchangte pawh sawi neuh neuh a lo ni tawh a, tuna an chanchin phei hi chu entertainment media hrang hrang tan chuan chaw tui tak tur pawh a ni.

Dipatch chuan YG Entertain-ment chhungah chuan 'open secret' a ni, tia tarlangin an thudawnna pakhat chuan,"YG-a mi tam tak chuan an hre tawh. Jennie nu pawhin a hriatpui a ni," tiin a sawi niin an tarlang. 

'K-pop New Power Couple' tiin media ṭhenkhatin an sawi der tawh, Jennie leh G-Dragon-te hi an inhriatna a rei tawh viau mai. Entertainment company pakhat chhul chhuak an ni a, kum 10 vel tal chu an inhre 

tawh ang.

Kum 2016-a Blackpink an rawn par chhuah hma daih, kum 2012-ah daih tawh khan Jennie hi  G-Dragon single 'That XX'-ah inlan tawhin an lo thawk dun tawh a ni.