John Lennon leh Yoko-te album tichhuak leh dawn

English singer ropui John Lenon leh Japanese singer Yoko Ono-te chuan kum 1969 khan 'Wedding Album' an tichhuak a, a hun lai chuan a lar hle. He album hi siamṭhat ngaite siam ṭhat leh niin, March thla hian tichhuah a ni leh dawn. 

Japanese artist Yoko Ono hi a la dam a, Thawhṭanni khan kum 86 a tling. A piancham pha phak pual hian John Lenon nena an album tichhuah a nih leh tur thu hi puan a ni a, fans tan chuan chanchin lawmawm tak a ni ngei ang. 

John Lennon leh Yoko Ono-te hi March 20, 1969 khan an innei a, kum 10 hnu 1980 khan an inṭhen leh a ni. Secretly Canadian and Chimera Music chuan 'Wedding Album' hi an inneih champha pualin an tichhuak dawn tih an sawi a, March 22 khian tlangzarh a ni ang.  

'Wedding Album' siam thar lehah hian an inneih thlalak hrang hrangte pawh zeh tel a ni dawn a,  an inneih certificate leh an sulhnu hrang hrang pawh zeh tel a ni dawn bawk.