Heidi Klum America's Got Talent a mangṭha

American-German model Heidi Klum chuan America's Got Talent a chhuahsan tur thu a puang. Klum hian tun hnai khan video a tichhuak a, hetah hian hreh tak chunga America's Got Talent judge hna a chawhsan dawn thu a tarlang. 

Kum 45 mi Heidi Klum chuan kum ruk chhung zet a lo chen­chilh tawh, Ame­rica's Got Talent chhuah­san tura thu­tlukna siam chu harsa a tih thu a sawi a, Simon Cowell, Howie Mandel leh Mel B-te kiangah a ṭhu ve tawh dawn lo a ni. 

America's Got Talent season tharah hian Ju­lianne Hough leh Ga­brielle Union-te chu judge atan lakluh thar an ni a, Heidi Klum leh Mel B-te an thlak dawn a ni. Hei bakah hian 14th season ṭangin Terry Crews chuan a host dawn bawk a ni.