Justin Bieber album thar tur 'Justice'

Justin Bieber chuan Zirtawpni liam ta khan a album thar tur chunchang puangzarin a album hming tur chu 'Justice' a ni dawn tih leh March 19-ah a tlangzarh dawn tih a tarlang.

'Justice' hi 'Holy' hitmaker Bieber-a studio album parukna tur a ni dawn a, tunhnaia a hla tihchhuah thar ho, mi hrang hrang a thawhpuina- Chance the Rapper nena an hla hit 'Holy', Benny Blanco nena an sak 'Lonely' leh 'Anyone' te kha he album-a tel vek tur hi a ni. Heng hla pathumte hi Billboard Hot 100 songs chart-ah top 40 la kai pha vek an ni nghe nghe.

"He khawvel dik lohna tam tak awmna hmunah hian, mi zawng zawngin damna leh dikna kan mamawh a ni," tiin a album thar tur chungchang chu a sawi. "He album ka siamna kawngah hian ka tum ber chu rimawi midang tana nawmna thlentu siam; miin an inhmehbel theih hla siam a ni a, chu chuan mal takin an awm lo tih hriattir se, tih hi a ni," tiin a sawi bawk. Justin Bieber hi  2021 Nickelodeon Kids' Choice Awards headline tur a ni.