'Scooty' star Zorinpuia a boral

Mizo film star Zorinpuia chu Inrinni zanah khan kum 28 mi niin a thi.

Zorinpuia hian Mizo romantic comedy film 'Scooty' vang khan hriat a hlawh hle a, film dang inlanna pawh nei nualin chung zingah chuan 'Zalenna' pawh kha a tel.

A thih thu hian Zoram a deng chhuak rang hle a, social media-ah Zorinpuia uina thu hmuh tur a tam hle. 

Amah hi Dinthar, Aizawla cheng niin nimin chhun dar 10-ah khan an vui liam a ni. Inrinni tlaia a muhil chu an kaihthawh zawh loh avangin Ebenezer Hospital-ah hruai a ni a, zan dar 7:05-ah a thi ta a ni.