Marvel June 11-ah Loki tlangzarh a ni dawn

Marvel Studios chuan Nilaini khan thuchhuah siamin Loki chu June 11-ah tlangzarh a ni dawn tih an puang.

Tom Hiddleston-a channa Loki series-ah hian episode paruk a awm dawn a, Disney+ leh Disney+ Hotstar-ahte tlangzarh rual a ni dawn. A puanzar lawk aiin thla khatin tlangzarh hun tur hi an sawn hla leh a ni.

Marvel Cinematic Universe chuan an series tho WandaVision an lo tichhuak tawh a, The Falcon and the Winter Soldier chu March 19 aṭangin an tichhuak dawn bawk. Loki hi an series pathumna tur a ni dawn a, June 11 aṭang hian  July 16 thleng tihchhuah an tum. WandaVision angin kar tin episode pakhat zel an tichhuak ve dawn a ni mai thei.