NASA Mars kalkawnga station pakhat atan 'thla' hman a tum

National Aeronautics and Space Administration (NASA) chuan Mars mission atana station pakhat atan 'thla' (Moon) chu hman a tum mauh mai.

Kum 50 kal taa Apollo program an kalpui ang ngawt ni lo deuh khan, NASA chuan 'thlaah' rei zawk cham an tum a, hetaṭang hian Mars zirchian an tum dawn niin an sawi. US space agency  thuneitu pakhat Jim Bridenstine chuan hemi kawngah hian hma an la mek tih leh 'thlaa' technology an bun hmanga Mars mission kalpui an tum thu a sawi a ni.

Jim chuan,"Kan ṭhenawm hnai berah hian mihring an kal theihna turin NASA chuan hna an thawk mek a ni," a ti. Long term turin hna an thawk tih sawi bawkin, 'thlaah' rei zawk cham an tum a ni. 'Thla' aṭang hian Mars lam an hawl leh ang.

NASA hmalak tum dan chu

'Thlaa' mihring an lawn lehna tur mission-ah chuan robotic technology-te an mamawh dawn tawh a, NASA hian hemi atan hian private company-  Elon Musk SpaceX emaw Jeff Bezos-a Blue Origin emawte chu thawhpui an tum. An thawhpui thei a nih chuan space travel mission chu a hautak lo sawt dawn a ni.

NASA hian an Space Launch System hmangin nakkum kum chawhnu lamah hi chuan rocket rit zawk kapchhuak thei siam an tum a, kum 2024-ah chuan 'thlaah' mihring tirh leh hman an tum. 2011-a space shuttle program tihtawp a nih hnu khan US leilung aṭangin mihring van therengah kahchhuah an la ni leh lo.

NASA official-te chuan Red Planet mission hi 2033 velah chuan kalpui an tum thu an sawi.