Golden Globes 2021-ah The Crown a che ṭha

78th Golden Globe Awards chu khawthlang ram huna Pathianni zanah khan sem a ni a, The Crown-in award a dawng hnem ber.

Nomadland chuan Best Film: Drama leh Best Director award a dawng a, Borat Subsequent Moviefilm chuan Best Film: Musical or Comedy leh Best Actor - Musical/Comedy award a dawng ve bawk.

Fam ta Chadwick Boseman chu Ma Rainey's Black Bottom vangin Best Actor - Drama (Film)-ah thlan niin The Crown chuan award a dawng hnem ber a, award pali lai an dawng a ni. Best TV Series-ah The Crown hi thlan a nih bakah The Crown actress Emma Corrin chu Best Actress - Drama-ah thlan a ni a, Josh O'Connor chu The Crown vang bawkin Best Actor-Drama-ah thlan a ni bawk. The Crown star tho Gillian Anderson chu Best Supporting Actress atan thlan a ni ve thung a ni.

The Queen's Gambit pawh a che ṭha hle a, Best Limited Series, Anthology or TV Film award a dawn bakah Best Actress (Limited Series, Anthology or TV Film) chu a changtunu Anya Taylor-Joy-in a dawng bawk.