The Highland Voice Semi-final zo fel

Sap hla hmanga intihsiakna 'The Highland Voice' chu neih chhoh mek zel a ni a, contestant-te pawh thlitfim chhoh mek zel an ni. February 19 & 20 zan khan Folkland Park-ah semi-final neih a ni a, mi 25 an zai. 

Contestant-te hi acous­tic music hmangin an intihsiak a, Nilaini zan khan music track hmanga inel leh a ni. February 23 zan hian top 10 result puan a ni dawn a, YouTube channel BisTV-ah en theih a ni ang.  

Top 10-te hi February 28 zanah an intihsiak leh dawn a, final a ni nghal tawh dawn a ni. Top 10 aṭang hian a tiṭha zual mi panga thlan chhuah a ni dawn a, heng mite hi September thla-a X-Factor-ah intihsiakna hmachhawn leh tur a hmalakpui an ni ang.

Sap hla hmanga intihsiakna The Highland Voice-a tel hi mi 60 an ni a, a ti ṭha zual mi pangate hi UK-a show ngaihut ber pakhat X-Factor-ah an inlan thei dawn a ni.