Zela Chuaungo hla thar 'Lunghlu'

Music Domain Mizoram (MDM) ten hla inphuhsiak an buatsaih ṭuma pakhatna lawmman dawngtu Zela Chuaungo chuan music video a siam a, nizan khan Zonet-ah tihchhuah a ni. Zela hla thar hi 'Lunghlu' tih a ni a, amah phuah a ni. Mizo Idol intihsiakah khan top 3 ten an lo sa tawh a, a phuatu Zela hian music video siamin a rawn tichhuak ve leh ta a ni. He hla hi Pathian fakna hla ṭha tak niin, a satu pawh hian a thiam hle a ni. Music track hi J.H Lungmuana siamsak niin, recording hi A16 Recording Studio kutchhuak a ni a, video mawi tak hi Milestone Picture siam sak a ni bawk. Zela Chuaungo music video hmasa ber hi zanin hian Zonet-ah tichhuah leh a ni dawn a, YouTube lamah pawh hmuh tur a awm thuai dawn a ni.