James Bond tlangzarh hun sawn turin fan-te'n an ngen

James Bond film thar ber 'No Time To Die' tlangzarh hun a hnai a, April thla tira tlangzarh turin ruahmanna an siam fel vek tawh.

Mi tam takin nghakhlel hle mah se Coronavirus-in khawthlang lam a fang a, harsatna nasa tak an hmachhawn mek avangin fan tam tak chuan tlangzarh hun tikhawtlai turin an ngen. Film siamtute hnenah  MI6-HQ website tana thu ziaktute chuan open letter thawnin Covid-19 thunun theih a nih hma chuan tlangzarh  rih lo turin an ngen a ni.

Daniel Craig-a 007 nih tawpna ber tur film hian ngakhleltu a ngah a, Beijing, China-a tihchhuah hun tur leh promotional tour an neih tur erawh an ṭhulh tawh thung.