Avril Lavigne-i'n tour a ṭhulh

4th March, 2020

April 23 aṭanga Asia tour nei tur Avril Lavigne pawhin twitter-ah Coronavirus darh zel vangin Asia tour a ṭhulh thu a sawi ve bawk.

'Sk8er Boi' singer hian nasa takin inbuatsaih mah se an ṭhulh a ngai ta tih sawiin, tour neih leh hun tur an tihchhuah leh thuai theih a beisei thu a sawi.

Covid-19 darh zel vang hian Green Day leh BTS-te pawhin tour an ṭhulh thu an sawi tawh a, Canadian rock group Wolf Parade pawhin nimin khan Europe leh UK-a tour an neih tur chu an ṭhulh thu an puang ve leh bawk.