Elton John AIDS Foundation-in $ mtd 6 tuak chhuak

Elton John AIDS Foundation (EJAF) chuan HIV/AIDS darh zel tur venna, a veite enkawlna leh puihna tur atana France chhim lama Midsummer Party a buatsaih aṭangin US dollar maktaduai 6 a hmuchhuak. 

EJAF hian kar kal ta Nilaini khan a vawi khatna atan Cote d'Azur-ah Midsummer Party hi a buatsaih a, mi lar eng emaw zat an inlan. Cocktail reception, Provencal dinner, live auction-te neih a ni a; lilam hi Simon de Pury-a'n a kaihruai. Lilam zingah hian Bentley first edition, Rocketman film-a hman leh Elton John leh Taron Egerton-ten hming an sign hnan Yamaha piano, Rocketman film-a Egtyron Gucci jacket hakte an tel.  

Coldplay Chris Martin pawh a perform a, 'Sky Full of Star", "Yellow" leh "Everglow" te mawi takin a thlawh. EJAF hian a sum hmuh aṭang hian Kenya rama mi 4,00,000-te  hnenah HIV self-test kits pek a tum a, heta ṭanga HIV vei hriatchhuahte chu an programme kaltlangin enkawl a tiam bawk.