Korn guitarist-in spa hawng thar

American nu metal band Korn guitarist Brian Welch chuan California-ah 'wellness spa' a hawng thar.

A spa hawn thar hi zaithiamte'n an concert hah changa an chawlh hahdamna tur atana tih a ni a- Sensory Deprivation, Cryotherapy, Infrared Sauna, Oxygen Therapy leh Compression Therapy-te pawh a tih theih nghal vek dawn a ni.

Wellness spa hi Zivel nen ṭangkawpa an hawn a ni a, kum 2018 khan Brian hian Dr. Matt O'Neill thurawn la chungin Zivel service hi a din a, he service kaltlang hian spa thar hi a hawng zui ta a ni. "Kum tam tak depression, ruihhlo ngawlveina leh thih hial duhna bawihin min sal bet a, mahse taksa, rilru leh thlaurauah mahni intihdamna chu kum 2005 khan ka chhar chhuak ta a ni," tiin Brian chuan a sawi.

Hei vang hian Zivel service pawh a din phal hial a, hemi hnuah hian a bikin music lama kalte tana hah chawlhna leh an nuna harsatna an neihte chhawk zangkhai a nih theih nan hian spa hi a din leh ta a ni.