Leona Lewis leh Dennis Jauch an innei

British singer Leona Lewis leh hun rei tak chhung a lo zui tawh Dennis Jauch-te chu Italy-ah an innei tih khawthlang media-te chuan an tarlang.

Florence chhim lama Tuscan grape huanah an innei nia sawi a ni a, hemi chungchangah hian anmahni lamin thuchhuah an la siam lo thung. 

Billboard chuan The Voice UK winner Jermain Jackman chu an inneih ceremony-ah hian a zai tih an tarlang a, an inneih thlalak pawh hi anmahni lamin an la tarlan loh avangin hmuh tur a la awm lo a ni.

Leona Lewis leh Dennis Jauch-te hian kum riat zet an inzui hnuah nikum August thla khan an inhual thu an puang. Jauch hi Lewis-i tour-na pakhata backup dancer zinga mi a ni a, heta ṭanga inhria hi an ni.